गृहमंत्री अमित शहा यांनी खा. रणजितसिंह यांच्या वाढदिवसानिमित्त त्यांच्या उदंड आयुष्याचे महालक्ष्मीला घातले साकडे
दैनिक स्थैर्य | दि. २० फेब्रुवारी २०२३ | फलटण |
वाढदिवसानिमित खा. रणजितसिंह नाईक निंबाळकर यांना राष्ट्रपती द्रौपदी मुर्मु, उपराष्ट्रपती जगदीश धनकड, केंद्रीय कृषिमंत्री नरेंद्र तोमर, केंद्रीय शिक्षण मंत्री धर्मेंद्र प्रधान, केंद्रीय मंदिर पुजारी प्रकोषट कैरनेल सिंग या मान्यवरांनी शुभेच्छा दिल्या आहेत. तसेच केंद्रीय गृहमंत्री अमित शहा, उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे, खा. धनंजय महाडिक, आ. राहुल कुल, यांच्या सह अनेकांनी शाल, श्रीफळ, पुष्पहार घालुन पेढे भरवून कोल्हापूर येथे शुभेच्छा दिल्या आणि खा. रणजितसिंह यांना लाभलेले उत्तम आरोग्य, उदंड आयुष्य, सुख समाधान सतत वाढत राहो, असे साकडे महालक्ष्मीकडे घातले.
खा. रणजितसिंह नाईक निंबाळकर केंद्रीय गृहमंत्री अमित शहा यांच्या समवेत कोल्हापूर दौर्‍यावर असल्याने पदाधिकारी, कार्यकर्ते, नागरिक यांची भेट होऊ शकणार नसल्याचे स्पष्ट करताना कार्यकर्त्यांनी हा दिवस ‘सेवा दिन’ म्हणून साजरा करावा, असे आवाहन करण्यात आले होते. त्यानुसार फलटण शहर व तालुक्याच्या ग्रामीण भागात भाजप पदाधिकारी, कार्यकर्त्यांच्या पुढाकाराने गावागावात रक्तदान शिबीर, मोफत वैद्यकीय तपासणी शिबीर, वृक्षारोपण, रुग्णांना फळे वाटप, मिठाई वाटप त्याच बरोबर गावाची व गावातील सार्वजनिक ठिकाणांची, शाळा, मंदिरे, व्यायाम शाळा यांची स्वच्छ्ता करण्याचे उपक्रम राबविण्यात आले.
दरम्यान, फलटणसह संपूर्ण माढा लोकसभा मतदार संघातील भाजपा पदाधिकारी, कार्यकर्ते, व्यापारी, उद्योजक, व्यापारी, शेतकरी आणि नागरिकांनी मोबाईल, सोशल मीडियाद्वारे खा. रणजितसिंह नाईक निंबाळकर यांना शुभेच्छा दिल्या आहेत.
प्रख्यात हृदयरोग तज्ञ डॉ. जे. टी. पोळ यांनी शिवजयंती आणि खा. रणजितसिंह नाईक निंबाळकर यांच्या वाढदिवसानिमित्त आयोजित केलेल्या मोफत वैद्यकिय तपासणी व उपचार शिबीरात सुमारे ७०० नागरिकांनी सहभागी होऊन वैद्यकिय तपासणी करुन घेतली आहे.
वाढदिवसानिमित्त खासदार रणजितसिंह नाईक निंबाळकर यांना केंद्रीय गृहमंत्री अमित शहा, अ‍ॅड. सौ. जिजामाला नाईक निंबाळकर, उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे, खा. धनंजय महाडिक, आ. राहुल कुल यांनी शुभेच्छा दिल्या.
