श्री.सेवागिरी महाराजांच्या पुण्यस्मरणानिमित्त हरिनाम सप्ताह सुरू

स्थैर्य, सातारा, दि. 28 नोव्हेंबर : श्री.सेवागिरी महाराजांच्या 78 व्या पुण्यस्मरणानिमित्त शुक्रवार, दि. 28 ते 5 डिसेंबर या कालावधीत येथील मंदिरात गुरुचरित्र व श्री.सेवागिरी विजयामृत ग्रंथाचे पारायण आणि अखंड हरिनाम सप्ताह होणार असल्याची माहिती देवस्थान ट्रस्टचे मठाधिपती सुंदरगिरी महाराज आणि ट्रस्ट चेअरमन संतोष वाघ यांनी दिली.

या हरिनाम सप्ताहात पहाटे 4 ते 6 वाजता काकड आरती, 8 ते 11 गुरुचरित्र ग्रंथाचे पारायण, दुपारी 3 ते 5 श्री सेवागिरी विजयामृत ग्रंथाचे वाचन होणार आहे. सायंकाळी 5 ते 6 हरिपाठ, 7 ते 9 कीर्तन त्यानंतर महाप्रसाद आणि जागर होणार आहे. दि. 28 रोजी राजाराम महाराज काटे श्री. क्षेत्र देहू, दि. 29 रोजी मयुर महाराज बोडके ओझर, दि. 30 गणेश महाराज साजुर , दि. 1 रोजी संजय महाराज साळुंखे निगडी, दि.2 रोजी दळवी महाराज श्रीगोंदा , दि. 3 भाऊसाहेब महाराज पवार कडेगाव , दि. 4 रोजी संजय महाराज वेळूकर , तर दि. 5 रोजी सकाळी 9 ते 11 या काळात तुकाराम महाराज मुळीक आळंदी यांचे काल्याचे कीर्तन होणार आहे. गुरूवार, दि 4 रोजी दुपारी 4 ते 6 या वेळेत गावातून दिंडी सोहळा पार पडणार आहे. या ग्रंथवाचन आणि हरिनाम सप्ताहाचा लाभ सर्व भाविक-भक्त आणि ग्रामस्थांनी घ्यावा, असे आवाहन विश्वस्त डॉ . सुरेश रणधीर जाधव, संतोष जाधव , सचिन देशमुख, गौरव जाधव यांनी केले आहे.