राष्ट्रवादीच्या ओबीसी सेलच्या वतीने महात्मा फुलेंना अभिवादन
दैनिक स्थैर्य । दि. ०३ डिसेंबर २०२१ । फलटण । सातारा जिल्हा राष्ट्रवादी काँग्रेस ओबीसी सेलच्या वतीने फलटण येथे महात्मा फुले यांना सातारा जिल्हा परिषदेचे माजी अध्यक्ष व विद्यमान सदस्य श्रीमंत संजीवराजे नाईक निंबाळकर यांच्या शुभहस्ते अभिवादन करण्यात आले. यावेळी राष्ट्रवादी ओबीसी सेलचे जिल्हाध्यक्ष मिलिंद नेवसे यांच्यासह मान्यवर उपस्थित होते.
फलटण येथील महात्मा फुले चौक येथे असणाऱ्या महात्मा फुले यांच्या पुतळ्यास श्रीमंत संजीवराजे नाईक निंबाळकर यांच्या शुभहस्ते पुष्पहार अर्पण करून अभिवादन करण्यात आले. यावेळी राष्ट्रवादी ओबीसी सेलचे जिल्हाध्यक्ष मिलिंद नेवसे, नगराध्यक्षा सौ. नीता नेवसे, श्रीराम कारखान्याचे चेअरमन डॉ. बाळासाहेब शेंडे, जिल्हा परिषदेचे माजी अध्यक्ष माणिकराव सोनवलकर, दूध संघाचे चेअरमन धनंजय पवार, माजी नगरसेवक सुदाम मांढरे, हेमंत निंबाळकर, सामाजिक कार्यकर्ते दशरथ फुले, माजी उपसभापती विवेक शिंदे, रघुनाथ कुंभार, राष्ट्रवादीचे माजी तालुकाध्यक्ष विलासराव नलवडे, माळजाई उद्यान समितीचे अध्यक्ष प्रताप निंबाळकर, उद्योजक किरण दंडिलें यांच्यासह मान्यवर उपस्थित होते.
