हिराबेन मोदी यांच्या निधनाबद्दल राज्यपालांना दुःख

दैनिक स्थैर्य । दि. ३१ डिसेंबर २०२२ । मुंबई । पंतप्रधान नरेंद्र मोदी यांच्या मातोश्री श्रीमती हिराबेन मोदी यांच्या निधनाबद्दल राज्यपाल भगतसिंह कोश्यारी यांनी दुःख व्यक्त केले आहे.

हिराबेन प्रेमळ व मनमिळाऊ वात्सल्यमूर्ती होत्या. पंतप्रधान श्री नरेंद्र मोदी यांच्या रुपाने त्यांनी देशाला महान सुपुत्र दिला. त्या कृतार्थ जीवन जगल्या. ईश्वर श्रीमती हिराबेन यांच्या आत्म्याला श्रीचरणी स्थान देवो, ही प्रार्थना करतो व आपल्या शोकसंवेदना पंतप्रधान नरेंद्र मोदी यांना कळवतो, असे राज्यपाल कोश्यारी यांनी आपल्या शोकसंदेशात म्हटले आहे.