जयभारतच्या वतीने गणेश जयंतीचे आयोजन
दैनिक स्थैर्य | दि. ०१ फेब्रुवारी २०२५ | फलटण | फलटण शहरातील रविवार पेठ तालीम चौक येथील जय भारत गणेशोत्सव मंडळाच्या वतीने गणेश जयंती निमित्त विविध कार्यक्रमांचे आयोजन करण्यात आले आहे. या वर्षी गणेश जयंती १ फेब्रुवारी रोजी साजरी केली जाणार आहे.
शनिवार, १ फेब्रुवारी रोजी सकाळी अभिषेकाने कार्यक्रमाची सुरुवात होईल. सायंकाळी ६:३० वाजता गणेश जन्मकाळाचे आयोजन करण्यात आले आहे. रात्री ८ वाजता श्री स्वामी समर्थ सेवा भजनी मंडळ मार्फत भजन सेवा आयोजित करण्यात येणार आहे. रविवार, २ फेब्रुवारी रोजी सायंकाळी ७:३० वाजता महाआरती आणि रात्री ८ वाजता महाप्रसादाचे आयोजन करण्यात आले आहे.
जय भारत गणेश मंडळाच्या वतीने सर्व गणेश भक्तांना या जयंतीनिमित्त आयोजित कार्यक्रमांना उपस्थित राहण्याचे आवाहन करण्यात आले आहे. हे कार्यक्रम फलटण शहरातील रविवार पेठ तालीम चौक नजीक असणाऱ्या श्री गणपती मंदिरामध्ये आयोजित करण्यात आले आहेत.
गणेश जयंती निमित्त जय भारत गणेशोत्सव मंडळाच्या वतीने आयोजित केलेल्या कार्यक्रमांमुळे फलटण शहरात धार्मिक उत्साहाचे वातावरण निर्माण होणार आहे. सर्व गणेश भक्तांनी या कार्यक्रमांना उपस्थित राहून गणेशाच्या आशीर्वादाचा लाभ घ्यावा, असे आवाहन मंडळाच्या वतीने करण्यात आले आहे.
