घरकाम करणाऱ्या महिलांसाठी ‘जनसेवा डायग्नोस्टिक सेंटर’तर्फे मोफत आरोग्य तपासणी शिबिर; चौथ्या वर्धापन दिनानिमित्त स्तुत्य उपक्रम
मॅग आणि माऊली फाउंडेशन संचालित फलटण येथील ‘जनसेवा डायग्नोस्टिक सेंटर’च्या चौथ्या वर्धापन दिनानिमित्त आज (रविवारी) शहरातील घरकाम करणाऱ्या महिला सेविकांसाठी मोफत आरोग्य तपासणी शिबिराचे आयोजन करण्यात आले आहे.
स्थैर्य, फलटण, दि. 29 मार्च : ‘जनसेवा हीच ईश्वर सेवा’ हे ब्रीदवाक्य जपत, मॅग आणि माऊली फाउंडेशन संचालित फलटण येथील ‘जनसेवा डायग्नोस्टिक सेंटर’ने आपल्या चौथ्या वर्धापन दिनाचे औचित्य साधून एक अत्यंत स्तुत्य आणि सामाजिक बांधिलकी जपणारा उपक्रम हाती घेतला आहे. या निमित्ताने आज (रविवार, दि. २९ मार्च) फलटण शहरातील घरकाम करणाऱ्या महिला सेविकांसाठी ‘मोफत आरोग्य तपासणी शिबिराचे’ आयोजन करण्यात आले आहे.
शिबिराची वेळ आणि ठिकाण:
हे शिबिर आज रविवार, दि. २९ मार्च २०२६ रोजी सकाळी ७:३० ते सायंकाळी ५:०० या वेळेत पार पडणार आहे.
-
शिबिराचा पत्ता: जनसेवा डायग्नोस्टिक सेंटर, दुसरा मजला, स्वरा हाईट, आर्यमन हॉटेलसमोर, डी.एड. चौक, रिंगरोड, फलटण.
-
मार्गदर्शन व संयोजिका: डॉ. दिव्या विक्रांत रसाळ (M.B.B.S., M.D., Pathology), संचालिका.
तपासणी आणि तज्ज्ञांचे मार्गदर्शन:
-
जेवणापूर्वीची (उपाशीपोटी) तपासणी वेळ: सकाळी ७:३० ते सकाळी १०:०० वाजेपर्यंत.
-
तज्ज्ञ डॉक्टरांकडून मार्गदर्शन: दुपारी ३:०० ते सायंकाळी ५:०० वाजेपर्यंत महिलांना आरोग्यविषयक तज्ज्ञांचे मार्गदर्शन लाभणार आहे.
रक्त तपासणीसाठी विशेष सूचना:
ज्या महिलांना रक्त तपासणी करायची आहे, त्यांनी येण्यापूर्वी १२ तास अगोदर काही खाऊ नये. आदल्या रात्री हलके जेवण करावे, चहा-कॉफी पिऊ नये, मात्र पाणी पिले तरी चालेल, अशी सूचना संयोजकांच्या वतीने देण्यात आली आहे.
नागरिकांना एक नम्र आवाहन:
घरकाम करणाऱ्या अनेक महिला सेविका सोशल मीडियावर नसतात, त्यामुळे त्यांच्यापर्यंत या मोफत आरोग्य शिबिराची माहिती पोहोचत नाही. म्हणूनच, फलटण शहरातील सर्व नागरिकांनी आपल्या घरी काम करणाऱ्या महिला सेविकांना या मोफत आरोग्य शिबिराची माहिती द्यावी आणि त्यांना या सुविधेचा लाभ मिळवून देण्यासाठी सहकार्य करावे, अशी नम्र विनंती जनसेवा लॅब, डॉ. अतुल दोशी, श्री. तात्या गायकवाड, श्री. प्रशांत धनवडे, नीता दोशी, अरुणा शेवाळे, रवींद्र साळुंखे आणि मनिषा घडिया यांच्यासह आयोजकांनी केली आहे.
