सरडे येथील चार गुन्हेगारांना दोन वर्षासाठी सातारा व पुणे जिल्ह्यातून तडीपार

दैनिक स्थैर्य । 1 ऑगस्ट 2025 । फलटण । सरडे (ता. फलटण) येथील चार गुन्हेगारांना दोन वर्षाकरीता सातारा व पुणे जिल्ह्यातून तडीपार करण्यात आले असतानाही अनधिकृतपणे वास्तव्य करीत असल्याचे आढळून आल्यानंतर चार जणांना अटक करून त्यांच्या विरोधात ग्रामीण पोलीस ठाण्यात गुन्हा दाखल करण्यात आला आहे.

फलटण ग्रामीण पोलीस ठाण्यातून मिळालेल्या माहितीनुसार दि. 30 रोजी पोलीस अधीक्षकांनी सातारा यांनी जिल्हयात कोम्बिंग ऑपरेशन राबविण्यात आदेश दिले होते. त्या अनुषंगाने फलटण ग्रामीण पोलीस ठाण्याकडून करण्यात आलेल्या कोम्बिंग ऑपरेशनच्या दरम्यान पोलीस ठाण्यातील रेकॉर्डवरील फरारी, तडीपार गुन्हेगार तपासण्यासाठी पोलीस ठाण्यातील तीन टीम तयार केल्या होत्या.

त्यातील एक टीम पहाटे 2 वाजण्याच्या दरम्यान सरडेमध्ये गेले असता त्यांना त्या गावातील तडीपार केलेले रोहित भीमराव जायव, ऋतिक दत्तात्रय जागय, विशाल बाळासो जाधव, सूरज शिवाजी बोडरे (सर्व रा. सरडे) यांना पोलीसांची चाहूल लागल्याने ते पळून जाऊ लागले असता पोलीसांनी त्यांचा पाठलाग करून त्यांना ताब्यात घेतले.

या चौघांना फेब्रुवारी 2025 मध्ये दोन वर्षाकरीता सातारा व पुणे जिल्ह्यातून तडीपार करण्यात आले होते. तरीही ते हृददपार आदेशाचा भंग करून अनधिकृतपणे चौघे पास्तव्य करीत असताना सापडल्याने त्यांच्यावर महाराष्ट्र पोलीस कायदा कलम 142 प्रमागे कारवाई करून त्यांना अटक करण्यात आली आहे.

पोलीस अधीक्षक दुपार दोशी, अतिरिक्त पोलीस अधीक्षक वैशाली कडूकर, उपअधीक्षक राहुल यस यांच्या सूचनांनुसार पोलीस निरीक्षक सुनील महाडीक यांच्या मार्गदर्शनाखाली पथकाचे उपनिरीक्षक जी. बी. बदने, हवालदार नितिन चतुरे, अमोल जगदाळे, श्रीनाथ कदम, कॉन्स्टेचल हनुमंत दहस, अरुंधती कर्गे यांनी या कारवाईमध्ये भाग घेतला. हवालदार जगदाळे तपास करीत आहेत.