अवैधरित्या कोळसा वाहतूक करणाऱ्या वाहनांवर वनविभागाची कारवाई

दैनिक स्थैर्य । दि. १३ मार्च २०२२ । सातारा । सातारा वनविभागाच्या भरारी पथकाने दिनांक 11/03/2022 रोजी कांबळेश्वर – खूंटे रोडवर मोजे कांबळेश्वर (ता.फलटण) गावचे हद्दीत आयशर ट्रक क्रमांक MH-14-AS-9143 हा कोळसा मालाची अवैद्यरीत्या वाहतुक करीत असताना आढळुन आल्याने ताब्यात घेवून जप्त केला आहे .

नमूद ट्रक हा फलटण तालुक्यातुन कोळसा भरून पुण्याला जात होता. अधिक चौकशीअंती सदरचा कोळसा हा अवैधरित्या चोरटी वाहतूक केली जात असल्याचे आढळून आले .सदर प्रकरणी वनविभागाने आयशर ट्रक सह 150 पोती कोळसा (वजन सुमारे 3500 किलो) इत्यादी सुमारे 6.50 लाख रुपये किंमतीचा मुद्देमाल जप्त करुन वाहनचालक माऊली परमेश्वर लंगडे (वय 23 वर्ष )रा. पिरंगुट ता.मुळशी जि.पुणे याचेविरूध्द भारतीय वन अधिनियम 1927 चे कलम 41(2)(ब) नुसार गुन्हा नोंद केला आहे . अधिक तपास सुरु आहे .

सदरची कारवाई श्री सचिन डोंबाळे , वनपरिक्षेत्र अधिकारी भरारी पथक सातारा , श्री दिपक गायकवाड वनपाल भरारी पथक सातारा , वनरक्षक भरारी पथक सातारा श्री विजय भोसले , आनंद जगताप वनरक्षक भरारी पथक सातारा राजेश वीरकर , श्री सुहास पवार पोलीस हवालदार , श्री दिनेश नेहरकर चालक भरारी पथक सातारा यांनी यशस्वीरित्या पार पाडली.