कराडच्या लायन्स क्लबचा पदग्रहण समारंभ उत्साहात

दैनिक स्थैर्य । दि. ८ जुलै २०२१ । कराड। येथील लायन्स क्लब आँफ कराडचा यावर्षीचा पदग्रहण सोहळा नुकताच येथील पंकज हॉटेल येथे कोरोनाचे नियम पाळून उत्साहात पार पडला यावेळी कार्यक्रमाचे प्रमुख पाहुणे म्हणून दैनिक तरुण भारत साताराचे आवृत्ती प्रमुख दीपक प्रभावळकर यांची उपस्थिती होती

यावेळी लायन्स क्लबचे वरिष्ठ पदाधिकारी शिवाजीराव फडतरे राकेश साळुंखे, जगदीश पुरोहित याच्यासह इतर पदाधिकारी,व सदस्य मोठ्या संख्येने उपस्थित होते.

सुरुवातीला क्लबचे माजी प्रांतपाल विजयकुमार राठी यांनी 2021-22 चे नूतन अध्यक्ष खंडू इंगळे व त्यांचे संचालक सदस्य यांना यावेळी शपथ दिली तसेच येथील इतर पदाधिकाऱ्यांना त्यांची जबाबदारी सांगून कामाचे स्वरूप सांगण्यात आले त्यानंतर उपस्थित मान्यवरांनी आपली  मनोगते व्यक्त करत नूतन अध्यक्ष खंडू इंगळे व संचालक सदस्याना यावेळी शुभेच्छा दिल्या

याप्रसंगी प्रमुख पाहुणे म्हणून बोलताना दिपक प्रभावळकर म्हणाले, लायन्स क्लब ही 210 पेक्षा अधिक देशात कार्यरत असलेली सर्वात मोठी सामाजिक संघटना आहे कराडच्या क्लबला 54 वर्षाची परंपरा आहे यावर्षीच्या अध्यक्षपदी एका पत्रकाराची निवड झाली याचा मला विशेष आनंद आहे. येत्या काळात सामान्य लोकांसाठी असे काम करा की त्याची दखल लायन्सच्या माध्यमातून इतर देशात सुद्धा घेतली गेली पाहिजे.लायन्स ने कराडला मोठे काम उभारले असून कोविड काळात देखील या क्लबचे काम वाखाणण्याजोगे झाले आहे. यावेळी शहर व परिसरात राबवता येतील असे अनेक सामाजिक उपक्रम त्यांनी यावेळी सुचवले व क्लबकडून यावर्षी ते पूर्णही होतील अशी आशा व्यक्त करत त्यासाठी माझ्याकडून भविष्यात लागेल ते सहकार्य मी देईन अशी ग्वाहीदेखील त्यांनी बोलताना यावेळी दिली.

क्लबचे शिवाजीराव फडतरे, राकेश साळुंखे यांनी यावेळी आपली मनोगते व्यक्त केली.  सुत्रसंचालन राजेश शहा,जितेंद्र ओसवाल यांनी केले  तर आभार मिलिंद भंडारे यांनी मानले.