अभियांत्रिकी महाविद्यालयाच्या विद्यार्थ्यांची फलटणच्या कणसे हुंडाईला भेट
दैनिक स्थैर्य । दि. २८ मार्च २०२२ । फलटण । फलटण एज्युकेशन सोसायटी संचलित कॉलेज ऑफ इंजिनिअरिंग, फलटणच्या मेकॅनिकल डिप्लोमा शाखेच्या तृतीय वर्षातील विद्यार्थ्यांनी कणसे हुंडाईच्या फलटण येथील शो-रुमला भेट देवून सेल्स व सर्व्हिस संबंधीच्या सर्व कामकाजाची पाहणी केली. यावेळी हुंडाई कंपनीचे विक्री व विपणन विभागाचे अधिकारी नकुल ऐमा व अक्षय पैलवान यांनी विद्यार्थ्यांना मार्गदर्शन केले.
प्रात्यक्षिक भेटी प्रसंगी मिळालेल्या कामकाजाच्या सविस्तर माहितीबद्दल विद्यार्थ्यांनी समाधान व्यक्त केले. कणसे हुंडाईच्या फलटण शाखेचे व्यवस्थापक सुशांत नलवडे यांनी सर्व उपस्थितांचे स्वागत केले.
