माढा लोकसभा मतदार संघातील कर्तव्यतत्पर, लोकप्रतिनिधी खा. रणजितसिंह यांच्या वर विविध स्तरावरुन अभिनंदनाचा वर्षाव
दैनिक स्थैर्य । दि. २१ फेब्रुवारी २०२२ । फलटण । भारताचे राष्ट्रपती रामनाथ कोविद, पंतप्रधान नरेंद्र मोदी, भाजपा राष्ट्रीय अध्यक्ष जे. पी. नड्डा, केंद्रीय गृह, सहकार मंत्री अमित शहा, केंद्रीय कृषी मंत्री नरेंद्रसिंह तोमर, पोलाद खाण मंत्री रामचंद्र प्रसाद सिंह, यांच्यासह केंद्रीय मंत्री मंडळातील अनेक मंत्री, भाजपा राष्ट्रीय आणि महाराष्ट्रातील पदाधिकारी, राज्यातील खासदार, आमदार व अन्य पदाधिकारी यांनी माढा लोकसभा मतदार संघाचे कार्यतत्पर लोकप्रतिनिधी खा. रणजितसिंह नाईक निंबाळकर यांना ४४ व्या वाढदिवसानिमित्त दूरध्वनी, पत्राद्वारे शुभेच्छा देताना त्यांच्या कार्यकर्तृत्वाचे कौतुक करीत त्यासाठीही सदिच्छा व्यक्त केल्या.
लोकनेते माजी खासदार स्व. हिंदुराव नाईक निंबाळकर यांच्या प्रतिमेस अभिवादन व मातोश्री श्रीमती मंदाकिनीदेवी नाईक निंबाळकर, काकी नगरसेविका श्रीमती मंगलादेवी नाईक निंबाळकर यांचे खा. रणजितसिंह नाईक निंबाळकर यांनी आशीर्वाद घेतले. अ‍ॅड. सौ. जिजामाला नाईक निंबाळकर, यांनी औक्षण केल्यानंतर खा. रणजितसिंह यांनी कुटुंबियांच्या शुभेच्छांचा त्यांनी स्वीकार केला.
खा. विनय सहस्त्रबुद्धे, खा. जयसिद्धेश्वर स्वामीजी, खा. श्री. छ. उदयनराजे भोसले, माजी उपमुख्यमंत्री विजयसिंह मोहिते पाटील, आ. श्री. छ. शिवेंद्रसिंहराजे भोसले, भाजपा राष्ट्रीय सचिव सुनील देवधर, आ. रणजितसिंह मोहिते पाटील, माजी मंत्री सदाभाऊ खोत, आ. शहाजीबापू पाटील, आ. राम सातपुते, आ. शशिकांत शिंदे, माजी आमदार नितीन शिंदे, शिवसेना सातारा जिल्हाध्यक्ष चंद्रकांत जाधव, सचिव कल्याण शेट्टी यांनी दूरध्वनीद्वारे शुभेच्छा दिल्या.
फलटण तालुक्यातील ज्येष्ठ नेते प्रल्हादराव साळुंखे पाटील, आ. जयकुमार गोरे, माजी आमदार नारायण आबा पाटील, माजी आमदार सदाभाऊ सपकाळ,भाजपा सातारा जिल्हाध्यक्ष विक्रम पावस्कर, भाजपा सोलापूर जिल्हाध्यक्ष श्रीकांतदादा देशमुख, जिल्हा परिषद सदस्य अतुल पवार, भाजपा सांगोला तालुकाध्यक्ष चेतनसिंह केदार, माळशिरस तालुकाध्यक्ष बाजीराव काटकर, के. के. पाटील, माजी जिल्हा परिषद सदस्य शिवाजीराजे कांबळे, आरपीआय सोलापूर बापूसाहेब जगताप, रणजीत शेटे, भाजपा सातारा जिल्हा उपाध्यक्ष जयकुमार शिंदे, फलटण तालुकाध्यक्ष पै. बजरंग गावडे, शहराध्यक्ष अमोल सस्ते यांच्यासह अनेक अधिकारी, पदाधिकारी, मित्र, कार्यकर्ते यांनी प्रत्यक्ष भेटून शुभेच्छा दिल्या.
दरम्यान दुपारी आपल्या राजभवन या येथील निवासस्थानी फलटण शहर व तालुक्यासह संपूर्ण माढा मतदार संघातून आलेले भाजपा पदाधिकारी, विविध संस्थांचे पदाधिकारी, सरपंच, सोसायट्यांचे चेअरमन, कार्यकर्ते आणि ग्रामस्थांच्या शुभेच्छा त्यांनी स्विकारल्या, गुच्छ, बुके, हार, पुस्तके, भेट वस्तू देवून दादांची प्रत्यक्ष भेट घेवून शुभेच्छा देण्यासाठी त्यांचे येथील निवासस्थान ‘राजभवन’ बाहेर या सर्वांनी मोठी गर्दी केली होती.
प्रामुख्याने तालुक्यातील कीर्तनकार, प्रवचनकार, ज्येष्ठ नागरिक संघटना, सेवानिवृत्त संघटना, विविध कामगार संघटना, शेतकरी, शेतमजूर, व्यापारी उद्योजक, शासकीय व निमशासकीय अधिकारी, कर्मचारी यांचा समावेश होता. महिला व तरुण वर्ग मोठ्या संख्येने उपस्थित होता त्यांनीही खा. रणजितसिंह यांना वाढदिवसानिमित्त शुभेच्छा देवून भावी वाटचालीसाठी सदिच्छा व्यक्त केल्या.
भारतीय जनता पार्टी किसान मोर्चा माध्यमातून श्रीमती प्रेमलाताई चव्हाण हायस्कूल व ज्युनियर कॉलेजमध्ये विद्यार्थ्यांना शालोपयोगी साहित्य, वह्या व खाऊचे वाटप करण्यात आले. यावेळी नगरसेवक अशोकराव जाधव, भाजपा शहराध्यक्ष अमोल सस्ते, किसान मोर्चाचे नितीन वाघ, राजाभाऊ देशमाने, राहुल शहा, राजेंद्र नागटिळे यांची प्रमुख उपस्थिती होती. भाजपा अल्पसंख्यांक मोर्चाचे रियाज इनामदार व मेहबूबभाई मेटकरी यांनी मदरशामधील मुलांना साहित्य व खाऊचे वाटप केले. भाजपा युवा मोर्चाच्यावतीने सुशांत निंबाळकर यांनी फलटण येथील वृद्धाश्रमांमध्ये अन्नधान्य व खाऊचे वाटप केले.
