डॉ. श्री. नानासाहेब धर्माधिकारी प्रतिष्ठानकडून फलटण येथे स्वच्छता अभियान
दैनिक स्थैर्य | दि. २ ऑक्टोबर २०२३ | फलटण |
रेवदंडा, ता. अलिबाग, जि. रायगड येथील डॉ. श्री. नानासाहेब धर्माधिकारी प्रतिष्ठान यांच्या सौजन्याने राष्ट्रपिता महात्मा गांधी जयंतीनिमित्त फलटण येथे स्वच्छता अभियान राबविण्यात आले. या स्वच्छता अभियानामध्ये प्रांत कार्यालय व तहसिल कार्यालय परिसर स्वच्छ करण्यात आला . या अभियानामध्ये १५० श्रीसदस्य सहभागी झाले होते. या स्वच्छता अभियानातून ३ टन कचरा गोळा करून तो डम्पिंग ग्राउंडवर नेण्यात आला.
विडणी येथील उत्तरेश्वर मंदिर परिसर, श्री महालक्ष्मी माता मंदिर परिसर, ग्रामीण रुग्णालय परिसर ६० श्रीसदस्यांकडून स्वच्छ करण्यात आला. या स्वच्छता अभियानामध्ये २ टन कचरा गोळा करण्यात आला.
साखरवाडी येथील ग्रामीण रुग्णालय परिसर ५० श्रीसदस्यांकडून स्वच्छ करण्यात आला. या स्वच्छता अभियानामध्ये २ टन कचरा गोळा करण्यात आला. तो कचरा डम्पिंग ग्राउंडवर नेण्यात आला. या उपक्रमाचे फलटण शहरातील सर्व नागरिकांमधून कौतुक होत आहे.
