मुंजवडी विकास सोसायटीच्या चेअरमनपदी डॉ. अतुल दोषी – गुणवरेकर
दैनिक स्थैर्य | दि. 13 डिसेंबर 2023 | फलटण | येथील मुंजवडी विविध कार्यकारी सोसायटीच्या चेअरमनपदी डॉ. आतील दोषी – गुणवरेकर यांची एकमताने निवड करण्यात आली आहे. फलटण येथील सहाय्यक निबंधक अधिकारी शेखर साळुंखे यांच्या अध्यक्षतेखाली आयोजित बैठकीत निवड करण्यात आली.
डॉ. अतुल दोषी – गुणवरेकर हे नेहमीच सामाजिक कार्यात अग्रेसर असतात. फलटण तालुक्यातील वाड्यवस्तीवर राहणाऱ्या सर्वसामान्य नागरिकांना चांगली आरोग्य सेवा मिळण्यासाठी माउली फाउंडेशनच्या माध्यमातून उभारण्यात आलेल्या जनसेवा डायग्नोस्टिक सेंटरच्या माध्यमातून ते कार्यरत आहेत.
चेअरमनपदी निवडीच्या दरम्यान प्रसिद्ध उद्योजक मंगेश दोषी, गुणवरेकर परिवार, मुंजवडी विविध कार्यकारी सहकारी सहकार सोसायटी संचालक मंडळ, कमलाकर ठणके, मुंजवडीचे सरपंच विठ्ठल घाडगे, सचिन वाघमोडे, कुंडलिक कदम, राजाराम साळुंखे, अशोक घाडगे, संपत ठणके, रमेश पवार, सुरेश घागडे आणि मुंजवडीकर ग्रामस्थ मोठ्या संख्येने उपस्थित होते.
