जि. प. प्राथ. शाळा सासकल चे तालुकास्तरीय गीत मंच स्पर्धेत उज्वल यश
दैनिक स्थैर्य । दि. ३० डिसेंबर २०२२ । फलटण । जिल्हा परिषद सातारा व पंचायत समिती फलटण शिक्षण विभागाच्या वतीने आयोजित तालुकास्तर गीत मंच स्पर्धेत जिल्हा परिषद प्राथमिक शाळा सासकलच्या विद्यार्थ्यांनी उज्वल यश संपादन केले आहे. शाळेच्या विद्यार्थ्यांचा मोठा गट प्रथम क्रमांक व लहान गटात तृतीय क्रमांक मिळवला आहे. त्यांच्या या यशामध्ये जिल्हा परिषद प्राथमिक शाळा सासकल शाळेचे वरिष्ठ मुख्याध्यापक जालिंदर बल्लाळ, पदवीधर शिक्षक पांडुरंग निकाळजे, सुधीर ढालपे, रूपाली शिंदे व माजी शिक्षक राजेंद्रकुमार अकोबा सस्ते यांनी विशेष मदत व मार्गदर्शन केले आहे.
त्यांच्या या यशाबद्दल जिल्हा परिषदेचे माजी अध्यक्ष श्रीमंत संजीवराजे नाईक निंबाळकर,जिल्हा परिषदेचे माजी अध्यक्ष माणिकराव सोनवलकर, माजी पंचायत समिती सदस्य सचिन रणवरे, सौ.शाहीन पठाण सो. गटशिक्षणाधिकारी पं.स.फलटण, श्री.चन्नया घाळय्या मठपती सो. शि.वि.अधिकारी बीट- बरड, गिरवी, दुधेबावी केंद्राचे केंद्रप्रमुख राजकुमार रणवरे, सासकल गावच्या सरपंच उषाताई राजेंद्र फुले, शाळा व्यवस्थापन समितीचे अध्यक्ष दीपक भानुदास घोरपडे, सासकल जन आंदोलन समिती पदाधिकारी, शाळेचे वरिष्ठ मुख्याध्यापक जालिंदर बल्लाळ, पदवीधर शिक्षक पांडुरंग निकाळजे, सुधीर ढालपे, रूपाली शिंदे, सर्व पालक व सर्व ग्रामस्थांनी विद्यार्थ्यांचे अभिनंदन केले आहे.त्यांना जिल्हास्तरीय गीत मंच स्पर्धेसाठी शुभेच्छा दिल्या आहेत.
