धोम बलकवडी कार्यालयात पदे त्वरित भरा : आमदार सचिन पाटील यांची मागणी
दैनिक स्थैर्य | दि. 18 फेब्रुवारी 2025 | फलटण | कोयनानगर, ता. पाटण, जि. सातारा येथे धोम, धोम बलकवडी, कण्हेर व उरमोडी या मोठ्या प्रकल्पांची कालवा सल्लागार समितीची बैठक आज कोयनानगर येथे पार पडली. या बैठकीत फलटण कोरेगाव मतदार संघातील लाभ क्षेत्रातील गावांना रब्बी हंगामाचे आवर्तन वाढीव मिळाले पाहिजे यासाठी आमदार सचिन पाटील यांनी विशेष मागणी केली. धोम बलकवडी कार्यालयात ४ शाखांकरिता विविध पदे रिक्त आहेत, याबाबत आमदार सचिन पाटील यांनी मागणी केली. या पदे त्वरित भरली जावीत, जेणेकरून कार्यालयाचे कामकाज सुरळीतपणे चालू राहील, असे त्यांनी म्हटले.
बैठकीत आमदार सचिन पाटील यांनी स्पष्ट केले की फलटण कोरेगाव मतदार संघातील शेतकऱ्यांना रब्बी हंगामात पाण्याची कमी भासत आहे. यामुळे शेतकऱ्यांचे नुकसान होत आहे आणि त्यांच्या अडचणी दूर करण्यासाठी रब्बी हंगामाचे आवर्तन वाढीव मिळावे, असे त्यांनी म्हटले. जलसंपदा मंत्री राधाकृष्ण विखे – पाटील यांनी या मागणीला प्राधान्य देण्याचे आश्वासन दिले.
कॅनॉल मधील मागील ७ वर्षांपासून साचलेला गाळ त्वरित काढून कॅनॉल स्वच्छ करण्याची मागणीही आमदार सचिन पाटील यांनी केली. गाळ साचल्यामुळे पाणी पूर्ण क्षमतेने वाटप होत नाही, याची दखल घेतली गेली. जलसंपदा मंत्री राधाकृष्ण विखे – पाटील यांनी या समस्येवर त्वरित कारवाई करण्याचे आश्वासन दिले.
धोम बलकवडी कॅनॉल मधील DY चे दरवाजे खराब झालेले आहेत, याबाबतही आमदार सचिन पाटील यांनी चिंता व्यक्त केली. रब्बी आवर्तन संपल्यानंतर त्वरित या दरवाजे दुरुस्त किंवा नवीन बसविण्यात यावेत, असे त्यांनी सुचवले. हे दरवाजे दुरुस्त न झाल्यास पाणी वाटपाच्या कार्यात अडचणी येतील, याकडे लक्ष वेधले गेले.
या बैठकीस जलसंपदा मंत्री राधाकृष्ण विखे – पाटील, सार्वजनिक बांधकाम मंत्री श्रीमंत छत्रपती शिवेंद्रसिंहराजे भोसले, पर्यटन मंत्री शंभुराज देसाई, ग्रामविकास मंत्री जयकुमार गोरे, मदत व पुनर्वसन मंत्री मकरंद पाटील, कृष्णा खोरे महामंडळाचे अध्यक्ष तथा आमदार महेश शिंदे, आमदार सचिन पाटील, आमदार मनोज घोरपडे, आमदार अतुल भोसले, जिल्हाधिकारी संतोष पाटील, कृष्णा खोरे महामंडळाचे संचालक माणिकराव सोनवलकर तसेच धोम, धोम बलकवडी, कण्हेर व उरमोडी या मोठ्या प्रकल्पाचे सर्व अधिकारी उपस्थित होते.