ज्ञानोबांच्या पालखी सोहळ्यात उपमुख्यमंत्री ना. देवेंद्र फडणवीस तल्लीन; पालखी रथाचे केले सारथ्य
दैनिक स्थैर्य | दि. 22 जून 2022 | फलटण | श्री संतश्रेष्ठ ज्ञानेश्वर महाराज पालखी सोहळा हा आळंदी वरून पंढरपूरकडे मार्गस्थ होत असते. आज फलटण वरून बरड कडे मुक्कामी जात असताना राज्याचे उपमुख्यमंत्री ना. देवेंद्र फडणवीस यांनी ज्ञानोबारायांचे मनोभावे दर्शन घेतले व पालखी रथाचे यावेळी सारथ्य सुद्धा केले. यावेळी उपमुख्यमंत्री ना. देवेंद्र फडणवीस हे भक्तीरंगात तल्लीन झालेले पाहायला मिळाले.
फलटण तालुक्यातील वाजेगाव येथील निंबळक नाका येथे उपमुख्यमंत्री ना. देवेंद्र फडणवीस यांनी श्री संत ज्ञानेश्वर महाराज पालखीचे दर्शन घेतले. यावेळी पालकमंत्री ना. शंभूराज देसाई, खासदार रणजितसिंह नाईक निंबाळकर, पोलीस अधीक्षक समीर शेख, अप्पर पोलीस अधीक्षक बापू बांगर, प्रांताधिकारी सचिन ढोले, उपजिल्हाधिकारी शिवजीराव जगताप, पोलीस उपअधीक्षक राहुल धस यांच्यासह विविध मान्यवर मोठ्या संख्येने उपस्थित होते.
यावेळी उपमुख्यमंत्री ना. देवेंद्र फडणवीस यांनी श्री संत ज्ञानेश्वर महाराज पालखी सोहळ्यामध्ये श्री ज्ञानेश्वर माऊलीचा रथाचे सारथ्य केले.
