श्री स्वामी समर्थ पायी वारी सोहळ्याचे ४ नोव्हेंबरला प्रस्थान

दैनिक स्थैर्य | दि. ३ नोव्हेंबर २०२४ | फलटण |
श्री स्वामी समर्थ पायी वारी सोहळा श्री स्वामी समर्थ मंदिर, फलटण ते श्री क्षेत्र अक्कलकोट असा दि. ०४/११/२०२४ ते १५/११/२०२४ रोजी संपन्न होत आहे. त्याअनुषंगाने ज्यांना पायी वारीला जायचे आहे अशा स्वामीभक्तांनी सेवेकर्‍यांशी संपर्क साधून नावनोंदणी करून रुपये ७५१/- देणगी मूल्य जमा करावे व पुढील नियोजन करण्यासाठी श्री स्वामी समर्थ सेवा मंडळाला सहकार्य करावे, असे आवाहन श्री स्वामी समर्थ सेवा मंडळ अहिल्यानगर, गजानन चौक, फलटण यांनी केले आहे.

हा पायी वारी सोहळा सोमवार, दि. ४ नोव्हेंबर रोजी सकाळी ९.०० वाजता श्री स्वामी समर्थ मंदिर, फलटण येथून प्रस्थान करणार आहे.

ज्या स्वामीभक्तांनी फंडरूपी देणगी दिली आहे, अशा भक्तांनी देणगी दिली नाही तरी चालेल, असे मंडळाकडून सांगण्यात आले आहे.

श्री स्वामीभक्तांनी देणगी मूल्य जमा करण्यासाठी बाळासाहेब सुतार (९८८१६९१००३), सचिन गुरव (९७३०१३६३४७) व किशोर नाळे (७८८७९४५०५०) या सेवेकर्‍यांशी संपर्क साधावा.