ललगुण येथे कृषीदूतांकडून निंबोळी अर्क निर्मितीचे प्रात्यक्षिक
दैनिक स्थैर्य | दि. १० ऑगस्ट २०२४ | फलटण |
खटाव तालुक्यातील ललगुण येथे महात्मा फुले कृषी विद्यापीठ राहुरी सलग्न व फलटण एज्युकेशन सोसायटी अंतर्गत कृषी महाविद्यालय फलटणच्या कृषिदूतांनी ‘ग्रामीण जागरुकता कृषी कार्यानुभव व औद्योगिक जोड प्रकल्प २०२४-२५’ कार्यक्रमांतर्गत गावातील शेतकरी बांधवांना निंबोळी अर्क बनवण्याचे प्रात्यक्षिक दिले.
किडींचे सेंद्रिय नियंत्रण व रस शोषक किंडींचा प्रादुर्भाव टाळण्यासाठी यांचा उपयोग केला जातो. यामध्ये किटकांचे प्रामुख्याने नियंत्रण होते, जसेकी मवा, तुडतुडे, पांढरी माशी, आळी, खोड कीड, आणि मिली बग. या किटकांच्या नियंत्रणासाठी निंबोळी अर्काची फवारणी केली जाते, याचे महत्त्व शेतकर्‍यांना पटवून देण्यात आले.
कृषी महाविद्यालय फलटणचे प्राचार्य डॉ. यु. डी. चव्हाण, श्रीमंत शिवाजीराजे उद्यानविद्या महाविद्यालय फलटणचे प्राचार्य डॉ. एस. डी. निंबाळकर, समन्वयक प्रा. निलिमा धालपे, कार्यक्रम अधिकारी प्रा. स्वप्निल लाळगे, प्रा. नितिशा पंडित यांच्या मार्गदर्शनाखाली कृषीदूत उदयसिंह गायकवाड, सुमित बागुल, ओंकार खेडकर, गौरव रायकर, अमितेश बोदडे, आदित्य घेवारे यांनी हे प्रात्यक्षिक पार पाडले.
