फलटणचे DYSP राहुल धस यांना पोलीस महासंचालक पदक जाहीर

दैनिक स्थैर्य । 28 एप्रिल 2025। फलटण । फलटण उपविभागातील DYSP राहुल रावसाहेब धस यांना पोलीस महासंचालक रश्मी शुल्का यांनी पोलीस महासंचालक पदक आज सोमवार, दिनांक २८ एप्रिल रोजी जाहीर केले. हे पदक पोलीस महासंचालक मुंबई यांच्या कार्यालयातून महाराष्ट्र पोलीस दलातील तब्बत ८०० कर्मचारी यांना जाहीर करण्यात आले आहे. यामध्ये सातारा जिल्हा पोलीस दलातील उपविभागातील पोलीस अधिकारी राहुल रावसाहेब धस यांचा समावेश आहे.

पोलीस महासंचालक पदक जाहीर झाल्यानंतर, पोलीस अधीक्षक समीर शेख, अपर पोलीस अधीक्षक श्रीमती वैशाली कडुकर व जिल्ह्यातील तसेच फलटण उपविभागतील सर्व अधिकारी व पोलीस अंमलदार यांनी राहुल धस यांचे अभिनंदन केले आहे.

सन २०२४ मध्ये, श्री. राहुल धस यांना भारतातील पोलीस दलातील उत्कृष्ट तपासाच्या कामगिरीबाबत “केंद्रीय गृहमंत्री दक्षता पदक” बहाल करण्यात आले होते. हे पदक भारताचे पहिले गृहमंत्री मा. सरदार वल्लभभाई पटेल यांच्या स्मृतीप्रित्यर्थ वार्षिकपणे दिले जाते.

राहुल धस यांच्या सारख्या अधिकाऱ्यांना हा गौरव मिळण्याचे महत्त्व दोन गोष्टींवर आधारित आहे: एक म्हणजे त्यांच्या कामगिरीच्या उत्कृष्टतेचे प्रतिबिंब, आणि दोन, असा गौरव मिळणे समाजासाठी एक आदर्श निर्मिती करते. हा सन्मान राहुल धस यांना उत्कृष्ट तपासाच्या कामगिरीबाबत जाहीर करण्यात आला आहे, जो महाराष्ट्र पोलीस दलातील इतर अधिकाऱ्यांनाही प्रेरणा देईल.

या पुरस्काराने राहुल धस यांच्या कर्तृत्वाचा आणखी एकदा गौरव करण्यात आला आहे. पोलीस अधिकाऱ्यांना या सारखे पुरस्कार मिळणे ही एक आदर्श स्थिती निर्माण करते ज्यामुळे उच्च दर्जाचे काम करण्यासाठी प्रोत्साहन मिळते.