मुंढर येथे “जिज्ञासा स्पोर्ट्स क्लब” आयोजित क्रिकेट स्पर्धा संपन्न
दैनिक स्थैर्य । दि. ०३ मार्च २०२२ । गुहागर । “बौद्धजन सहकारी संघ मुंढर शाखा क्रमांक २४” पुरस्कृत तसेच “विद्यार्थी विद्या विकास मंडळ मुंढर” संचालित “जिज्ञासा स्पोर्ट्स क्लब” आयोजित भव्य ओव्हर आर्म क्रिकेट स्पर्धा दिनांक २५, २६, २७ फेब्रुवारी या कालावधीत मोठ्या उत्साहात व खिलाडी वृत्तीने संपन्न झाल्या. स्पर्धेच्या उदघाटन प्रसंगी बौद्धजन सहकारी संघ गावशाखेचे सन्माननीय अध्यक्ष महादेव गमरे यांनी भगवान गौतम बुद्ध यांच्या तसेच श्री. प्रभाकर शिर्के सर यानी महाराष्ट्राचे आराध्य दैवत छत्रपती शिवाजी महाराज यांच्या प्रतिमेला पुष्पहार अर्पण केले, बौद्धजन सहकारी संघाचे सचिव अजित गमरे यांनी डॉ. बाबासाहेब आंबेडकर तर रमाई महिला मंडळाच्या कार्यकारिणी यांनी माता रमाई यांच्या प्रतिमेला पुष्पहार अर्पण केला.
मंडळाचे कार्यकर्ते संजय पवार यांनी ग्राउंड वर फीत कापून स्पर्धेचे उदघाटन केले तर सुधीर गमरे व शरद मोहिते यांनी क्रिकेट खेळून स्पर्धेला खऱ्या अर्थाने सुरुवात केली.
सदर तीन दिवसीय स्पर्धेत रोख रक्कम १०,०००/- व आकर्षक चषक पटकावून भारतभूषण कोतलुख हा संघ पहिला आला, तर रोख रक्कम ७०००/- व आकर्षक चषकाचे मानकरी ठरून महापुरुष गुहागर संघाने द्वितीय क्रमांक पटकावला.
उत्कृष्ठ फलंदाज व उत्कृष्ट गोलंदाज ही ट्रॉफी भारतभूषण कोतळूख संघाचा खेळाडू ओंकार बागकर यांनी पटकावली.
सदर स्पर्धेसाठी महाराष्ट्र पोलीस ए. अस.आय. श्री. प्रदीप गमरे यांनी प्रथम, द्वितीय, उत्कृष्ठ फलंदाज, उत्कृष्ठ गोलंदाज हे आकर्षक चषक तर महाराष्ट्र पोलीस श्री. वैभव गमरे यांनी मंडळासाठी प्रथम व द्वितीय क्रमांकाची १७,०००/- रोख रक्कम मिळवून देवून खुप मोठे योगदान दिले. या स्पर्धेला सरपंच सुशील आगरे, उपसरपंच अमीषा गमरे, पंचायत समिति सदस्य प्रभाकर शिर्के, मुंबई शाखेचे सचिव अनिल जाधव, खजीनदार गुणसेन पावर, प्रभाकर पवार आदि मान्यवर उपस्थित होते.
सदर स्पर्धा यशस्वी करण्यासाठी सुधीर गमरे, शरद मोहिते, संजय पवार, निलेश गमरे, राजेश मोहिते, भूषण पवार, सुशील पवार, उमेश जाधव सर, सागर सुर्वे, राहुल सुर्वे, सुदर्शन गमरे, स्वप्नील गमरे, नितीन पवार, आदित्य गमरे, अक्षय गमरे, राजेंद्र गमरे, सुयश गमरे, प्रणित मोहिते, प्रशांत मोहिते, सुशांत गमरे, पार्थ गमरे, रोहन गमरे, आकाश गमरे, सम्यक गमरे, आतिश जाधव यानी मोलाचे सहकार्य केले.
