गुणवरेच्या ब्लूम इंग्लिश मिडियम क्रिसमस साजरी
दैनिक स्थैर्य । दि. २५ डिसेंबर २०२१ । फलटण । ‘जिंगल बेल्स, जिंगल बेल्स… जिंगल ऑल द वे…’, ‘मेरी क्रिसमस’ अशा गीता सह ब्लूम इंग्लिश मीडियम स्कूल अँड ज्युनियर कॉलेज गुणवरे या विद्यालयात नाताळ उत्साहात साजरा करण्यात आला. या निमित्ताने विद्यालयातील विशाल सुतार यांनी सांताक्लॉज चा पेहराव करून सर्वांना चॉकलेट देऊन नाताळच्या शुभेच्छा दिल्या. कार्यक्रमात प्रथम त्यांच्याच हस्ते केक कापण्यात आला.
याप्रसंगी सई माळशिकारे, समर्थ माळशिकारे, वैभवी पिसाळ, सिद्धी पिसाळ, ऋतुजा पवार, समृद्धी किसवे यांच्यासह विद्यार्थ्यांनी नृत्य सादर केले. तसेच सांताक्लॉज बरोबर जिंगल बेल गाण्यावर शाळेतील सर्व विद्यार्थ्यांनी नृत्यात सहभाग घेतला. यानिमित्त शिक्षकांची संगीत खुर्ची स्पर्धाही घेण्यात आली. क्रिसमस डे निमित्त विद्यार्थ्यांनी सांताक्लॉज चा पोषाख परिधान करून कार्यक्रमाला शोभा आणली.
शाळेचे प्राचार्य संदीप किसवे, संस्थेचे अध्यक्ष ईश्वर गावडे व सचिव सौ. साधनाताई गावडे यांनी सर्वांना नाताळ निमित्त शुभेच्छा दिल्या. कार्यक्रमाचे नियोजन वर्षा दोशी यांनी केले. माधुरी शिरसाठ यांनी सूत्रसंचालन केले तर आभार प्राजक्ता ठोंबरे यांनी मानले.
