पालखी सोहळ्यात शासकीय योजनांची वारीचा चित्ररथ
दैनिक स्थैर्य । दि. १९ जून २०२३ । सातारा । संतश्रष्ठ श्री ज्ञानेश्वर महाराज यांचा पालखी सोहळा सातारा जिल्ह्यातील लोणंद येथे मुक्कामी आहे. या सोहळ्यासोबत केंद्रिय संचार ब्यूरो प्रादेशिक कार्यालय पुणे यांच्या वतीने 9 वर्षातील केंद्र शासनाच्या विकासकामांची कामगिरी या विषयावर असलेली शासकिय योजनांची वारी हे चित्र रथ सोबत आहेत.
या वारीमध्ये कला पथक आणि LED स्क्रीनचा माध्यमातून केंद्र व राज्य शासनाच्या विकासकामांची, योजनांची व उपक्रमांची माहिती मिळणार आहे. या रथाचे उद्घाटन दिनांक 11 जून रोजी विभागीय आयुक्त पुणे येथे राज्याचे उच्च व तंत्रशिक्षण मंत्री चंद्रकांत पाटील यांच्या हस्ते करण्यात आले. त्यावेळी उच्च व तंत्रशिक्षण मंत्री श्री पाटील यांनी हिरवा झेंडा दाखवून ही वारी रवाना केली. हे रथ संतश्रेष्ठी ज्ञानेश्वर महाराज व जगद्गुरु तुकाराम महाराज यांच्या वारीसोबत असणार आहेत.
