अंकशास्त्रानुसार बदला मोबाईल नंबर आणि उघडा नशिबाचे दार; फलटणमध्ये ‘लकी नंबर’ची चर्चा
स्थैर्य, फलटण : “खूप प्रयत्न करूनही कामात यश मिळत नाहीये? नशीब साथ देत नाहीये?” अशा प्रश्नांनी त्रस्त असलेल्या नागरिकांसाठी आता अंकशास्त्रावर आधारित ‘लकी मोबाईल नंबर’चा पर्याय समोर आला आहे. जन्मतारखेनुसार मोबाईल नंबर बदलून नशिबाचे कुलूप उघडण्याचा आणि आयुष्यात राजयोग आणण्याचा दावा करणाऱ्या जाहिराती सध्या फलटण परिसरात चर्चेचा विषय ठरत आहेत.
सध्याच्या डिजिटल युगात मोबाईल नंबर हा प्रत्येकाच्या जीवनाचा अविभाज्य भाग बनला आहे. मात्र, हाच मोबाईल नंबर केवळ संपर्काचे साधन न राहता, तो तुमच्या नशिबाची चावी बनू शकतो, असा दावा या जाहिरातींमधून केला जात आहे. आदेश भोईटे यांच्या ‘विली वेल्थ’ आणि इतर काही संस्थांकडून अंकशास्त्राच्या आधारे ‘लक्ष्मीधन योग’ आणि ‘राजयोग’ घडवून आणणारे मोबाईल नंबर उपलब्ध करून दिले जात आहेत.
या जाहिरातींमध्ये विविध समस्यांवर मोबाईल नंबरच्या माध्यमातून तोडगा काढण्याचे आश्वासन दिले जात आहे. शिक्षण, नोकरी आणि व्यवसायात यश मिळवणे, मोठ्या दवाखान्याच्या खर्चापासून मुक्ती, कोर्ट-कचेरीच्या फेऱ्यातून सुटका, कर्जमुक्ती आणि भरपूर पैसा मिळवणे यांसारख्या अनेक बाबींसाठी योग्य मोबाईल नंबर फायदेशीर ठरू शकतो, असे सांगितले जात आहे. याशिवाय, भरपूर मालमत्ता, समाजात मान-प्रतिष्ठा आणि मानसिक शांती मिळवण्यासाठीही अंकशास्त्रानुसार निवडलेला नंबर मदत करतो, असा दावा केला जात आहे.
ज्या व्यक्तींना सतत अपयश येत आहे किंवा नशिबाची साथ मिळत नाही, अशा व्यक्तींनी आपल्या जन्मतारखेनुसार मोबाईल नंबर अपडेट करावा, असे आवाहन या जाहिरातींमधून केले जात आहे. “तुमच्या जन्मतारखेनुसार तुमचा मोबाईल नंबर अपडेट करा व नशिबाच्या कुलुपाला योग्य ती किल्ली द्या आणि यशाची सर्व दारे उघडा!” असा संदेश देत नागरिकांना आकर्षित केले जात आहे.
हा केवळ मोबाईल नंबर बदल नसून, तो एका सकारात्मक ऊर्जेचा स्रोत म्हणून काम करतो, असे या क्षेत्रातील तज्ज्ञांचे म्हणणे आहे. प्रत्येक अंकाची स्वतःची एक ऊर्जा असते आणि जन्मतारखेनुसार योग्य अंकांचा समन्वय साधल्यास त्याचा सकारात्मक परिणाम आयुष्यावर दिसून येतो, असे मानले जाते.
या आगळ्यावेगळ्या सेवेबद्दल अधिक माहितीसाठी किंवा मोफत सल्ला घेण्यासाठी ९१३०७१०९२९ आणि ९६०७६९६६७३ या क्रमांकांवर संपर्क साधण्याचे आवाहन करण्यात आले आहे. लोकांचा ज्योतिष आणि अंकशास्त्रावरील विश्वास लक्षात घेता, या नव्या संकल्पनेला फलटण परिसरातून कसा प्रतिसाद मिळतो, हे पाहणे उत्सुकतेचे ठरणार आहे.
