समर्थनगरमध्ये फ्लॅट फोडून साडेचार लाखांवर डल्ला

दैनिक स्थैर्य । दि. ०८ नोव्हेंबर २०२२ । सातारा । येथील समर्थनगरमधील निशिगंधा कॉलनीतील निर्मिती हाईट्स या इमारतीतील 103 नंबरचा फ्लॅट फोडून अज्ञात चोरट्यांनी 4 लाख 61 हजार रुपये किंमतीच्य सोन्या-चांदीच्या दागिन्यांवर डल्ला मारला. याप्रकरणी सागर पांडुरंग पवार (वय 32, रा. उपळी, पो. करंडी, ता. सातारा, सध्या रा. निर्मिती हाईट्स, निशिगंधा कॉलनी, समर्थनगर, सातारा) यांनी सातारा शहर पोलीस ठाण्यात फिर्याद दिली. पवार हे बाहेरगावी असताना बुधवार दि. 2 ते रविवारी दुपारी साडेतीनच्या दरम्यान ही चोरी घडली आहे. पवार यांच्या फ्लॅटमधून 1 लाख 20 हजार रुपये किंमतीचे 3 तोळे वजनाचे सोन्याचे गंठण, 92 हजार रुपये किंमतीचा दोन तोळ्यांचा सोन्याचा शाहीहार, अडीच तोळ्यांचा चोकर नेकलेस, कर्णफुले, बास्केट रिंगा, सोन्याची चेन, पेंडेंट, दो घड्याळे, पैंजण, वाळे असा 4 लाख 61 हजार रुपयांचा मुद्देमाल चोरून नेल्याचे फिर्यादीत म्हटले आहे. घटनास्थळी पोलीस उपअधीक्षक आँचल दलाल यांनी भेट देऊन तपासकामी सूचना केल्या. तपास सहायक पोलीस निरीक्षक सूर्यवंशी करत आहेत.