कै.हणमंतराव पवार (आण्णा) यांच्या 24 व्या पुण्यस्मरण दिनानिमित्त 17 जुलै रोजी श्रीराम बझार येथे रक्तदान शिबीर

दैनिक स्थैर्य । दि. १६ जुलै २०२१ । फलटण । फलटण तालुक्याचे भाग्यविधाते व श्रीराम बझारचे संस्थापक सहकार महर्षी कै.हणमंतराव पवार (आण्णा) यांच्या 24 व्या पुण्यस्मरण दिनानिमित्त दि.17 जुलै 2021 रोजी सकाळी 10:00 वाजता त्यांचे प्रतिमेस मान्यवरांच्या हस्ते पुष्पहार अर्पण करण्यात येवून त्यांना श्रद्धांजली वाहणेत येणार आहे. तसेच सालाबादप्रमाणे याप्रसंगी संस्थेमध्ये रक्तदान शिबीराचे आयोजन करण्यात आले आहे.

तरी फलटण व पंचक्रोशीतील रक्तदात्यांनी रक्तदानासारख्या महान कार्यात आपला सहभाग नोंदवून अधिकाधिक रक्तदात्यांनी रक्तदान करणेचे आवाहन श्रीराम बझारने केले आहे.