राष्ट्रीय लोकअदालतीचे 12 मार्च रोजी आयोजन

दैनिक स्थैर्य । दि. २४ फेब्रुवारी २०२२ । सातारा । सातारा मुख्यालयात आणि जिल्ह्यातील सर्व तालुका न्यायालयात दि. 12 मार्च 2022 रोजी राष्ट्रीय लोकअदालतीचे आयोजन करण्यात आले आहे. सातारा जिल्हा न्यायालयात लोकअदालतीचे उद्घाटन  सातारा जिल्हा व सत्र न्यायाधीश श्रीमती एम.जे.धोटे यांच्या प्रमुख उपस्थितीत होणार  असल्याचे जिल्हा विधी सेवा प्राधिकरणाच्या सचिव तृप्ती जाधव  यांनी कळविले आहे.

या लोक अदालतीत धनादेश न वटलेली   प्रकरणे, वादपूर्व प्रकरणे, मोटार अपघात दावे, थकीत कर्जाची प्रकरणे, वैवाहिक वाद, थकीत ग्रामपंचायतीची मालमत्ता कर व पाणी बिलाची प्रकरणे इ. सर्व प्रकरणांचा समावेश आहे. येत्या लोकअदालतीमध्ये न्यायाधीश, विधीज्ञ, सरकारी वकील इ. तडजोड घडवून आणण्यासाठी पक्षाकरीता मार्गदर्शन व सहकार्य करणार आहेत. तरी सर्व पक्षकारांनी जास्तीत जास्त संख्येने संबंधित न्यायालयात सकाळी 10.30 वा. उपस्थित रहावे, असे आवाहन जिल्हा विधी सेवा प्राधिकरणाच्या सचिव तृप्ती जाधव  आणि जिल्हा वकील संघाचे अध्यक्ष ॲङ सुखदेव पाटील यांनी केले आहे.