बेकायदेशीर अनाथाश्रम चालविणार्‍यांची माहिती देण्याचे आवाहन
दैनिक स्थैर्य । 18 एप्रिल 2025। सातारा । बेकायदेशीर बालगृहे, वसतिगृहे, अनाथाश्रम चालविणे गंभीर बाब असून अनधिकृत संस्था आढळून आल्यास जिल्हयातील जिल्हा महिला व बाल विकास अधिकारी तसेच चाईल्ड हेल्पलाईन टोल फ्री क्रमांक 1098 या वर संपर्क साधून माहिती द्यावी, असे आवाहन पुणे येथील महिला व बाल विकास विभागाच्या आयुक्त नयना गुंडे यांनी केलेले आहे.
बाल न्याय (मुलांची काळजी व संरक्षण) अधिनियम 2015 आणि सुधारित अधिनियम 2021 मधील कलम 42 नुसार मान्यता तथा सोबतच्या नोंदणी प्रमाणपत्राप्रमाणे नोदणी प्रमाणपत्र प्राप्त नसलेली संस्था अथवा अशी संस्था चालविणार्‍या व्यक्तीला 1 वर्ष कारावास तसेच रुपये 1 लक्ष पेक्षा कमी नसेल एवढा दंड किंवा दोन्हीही करण्यात येईल अशी तरतुद आहे, असेही आयुक्त श्रीमती गुंडे यांनी कळविले आहे.
