तालुक्यातील ढवळ येथे बैलगाडा शर्यतीचा ट्रॅक नेस्तनाबूत; ग्रामीण पोलीसांची कारवाई
दैनिक स्थैर्य | दि. २५ ऑक्टोबर २०२१ | फलटण | फलटण तालुक्याच्या ढवळ गावामध्ये बैलगाडा शर्यतीचे आयोजन करण्यात आलेली असल्याची माहीती ग्रामीण पोलिसांना मिळताच फलटण ग्रामीण पोलीसांनी ढवळ गावांमधील तयार करण्यात आलेला बैलगाडा शर्यतीचा ट्रॅक नेस्तनाबूत करून टाकलेला आहे. या कारवाईमध्ये बैलगाडा किंवा बैलगाडा चालक किंवा इतर इसम आढळून आलेले नाहीत.
याबाबत फलटण ग्रामीण पोलीस स्टेशन कडून मिळालेली माहिती अशी की, फलटण तालुक्याच्या ढवळ गावांमध्ये बैलगाडा शर्यत खेळण्यासाठी ट्रॅक तयार करण्यात आलेला होता. याची माहिती फलटण ग्रामीण पोलिसांना मिळताच सदरील ट्रॅक नेस्तनाबूत करून टाकलेला आहे. ढवळ गावांमध्येच असणाऱ्या जेसीबी लावून सदर ट्रॅक वर मोठाले खड्डे काढून बैलगाडा शर्यतीचे आयोजन तेथे करता येणार नाहीत अशा रीतीने हा ट्रॅक नेस्तनाबूत करून टाकण्यात आलेला आहे.
