फलटणमध्ये श्रीमंत मालोजीराजे कृषी प्रदर्शन : आधुनिक तंत्रज्ञानाचा वापर
दैनिक स्थैर्य | दि. ०६ जानेवारी २०२५ | फलटण | फलटण येथे २ जानेवारी ते ६ जानेवारी या कालावधीत आयोजित केलेल्या श्रीमंत मालोजीराजे कृषी प्रदर्शन २०२५ मध्ये, कृषी महाविद्यालय, फलटण चे प्राचार्य डॉ. यु. डी. चव्हाण यांनी उपस्थित शेतकऱ्यांना कृषी उद्योजकता विकास आणि आधुनिक तंत्रज्ञानाचा वापर करून प्रयोगशील शेतीमध्ये विविध व्यवसाय करण्याचे मार्गदर्शन केले.
श्रीमंत मालोजीराजे कृषी प्रदर्शन २०२५ चे उद्घाटन समारंभ महात्मा फुले कृषी विद्यापीठ, राहुरीचे कुलगुरू डॉ. पी. जी. पाटील यांच्या उपस्थितीत संपन्न झाला. आमदार श्रीमंत रामराजे नाईक निंबाळकर यांनी अध्यक्षस्थान भूषवले. या समारंभाची सुरुवात दीप प्रज्वलन व ज्ञानज्योती सावित्रीबाई फुले यांच्या प्रतिमेला अभिवादन करून करण्यात आली.
डॉ. यु. डी. चव्हाण यांनी कृषी उद्योजकता विकासाच्या महत्त्वावर भर देताना शेतकऱ्यांना विविध व्यवसायिक अवसरांबद्दल माहिती दिली. त्यांनी मधमाशी पालन, रेशीमउद्योग, पपई पासून तुटिफुटी, शेळीपान, मेंढीपालन, वारहपालन, मस्त्याव्यावसाय, कुकूटपालन, गांडूळखत निर्मिती इत्यादी व्यवसायांचा उल्लेख केला. महिलांसाठी शेवई तयार करणे, उडीद, नाचणी, ज्वारी, बाजरी, मका इत्यादी धान्यापासून पापड उद्योग, लोणाच व्यवसाय, जाम, जेली, तांदळापासून पोहे, चुरमुरे, खोबरे, तीळ शेंगदाणा चिक्की, मेणबत्ती व्यवसाय, भातशेतीसाठी उपयुक्त शेवाळे निर्मिती, फुलशेती, नर्सरी स्टायलो ग्रास निर्मिती यासारख्या लाभदायी व्यवसायांवरही त्यांनी प्रकाश पाडला.
चर्चासत्राच्या दुसऱ्या भागात, कृषी सहाय्यक खुंटे येथील सचिन जाधव यांनी फळांचे गाव धुमाळवाडी या विषयावर मार्गदर्शन केले. त्यांनी हुमणी अळी मुक्त लष्करी अळी मुक्त गाव तयार करण्याबद्दल राज्यशासन पुरस्कार प्राप्त करण्याचा सन्मान मिळाल्याचे सांगितले आणि फळांचे गाव उभारताना कोणती फाळपीके घेतली याचेही मार्गदर्शन केले.
या चर्चासत्रासाठी अध्यक्षस्थानी मे. गव्हर्निंग कौन्सिल, फलटण एज्युकेशन सोसायटीचे सदस्य श्री. शिरीषकुमार दोशी उपस्थित होते. श्रीमंत शिवाजीराजे उद्यानविद्या महाविद्यालयाचे प्राचार्य डॉ. एस. डी. निंबाळकर, दोन्ही महाविद्यालयातील प्राध्यापक वर्ग, विद्यार्थी व शेतकरी वर्ग उपस्थित राहिले. कार्यक्रमाचे सूत्रसंचालन व आभार प्रदर्शन कुमारी श्रुष्टी झाडोकर या विद्यार्थिनीने केले.
श्रीमंत मालोजीराजे कृषी प्रदर्शन २०२५ मध्ये झालेल्या चर्चासत्राने शेतकऱ्यांना नवीन तंत्रज्ञान आणि उद्योजकतेच्या विविध अवसरांबद्दल मूलभूत मार्गदर्शन दिले. हे प्रदर्शन शेतकऱ्यांच्या आर्थिक विकास आणि कृषी क्षेत्रातील नवीन तंत्रज्ञानाच्या वापरासाठी एक महत्त्वपूर्ण पाऊल ठरले आहे.
