शिवसेनाप्रमुख बाळासाहेब ठाकरे यांच्या जयंती निमित्त पंढरपूर शहरात भव्य रक्तदान शिबीर…!!

दैनिक स्थैर्य । दि. २१ जानेवारी २०२३ । पंढरपूर । पंढरपूर शहर प्रतिनिधी- शिवसेनाप्रमुख, सरसेनापती, हिंदूह्रदयसम्राट, वंदनीय बाळासाहेब ठाकरे यांच्या जयंती निमित्त युवा सेना पंढरपूर शहर व तालुक्याच्या वतीने भव्य रक्तदान शिबीराचे आयोजन 23 जानेवारी 2023 रोजी करण्यात आले आहे. हे शिबीर हुतात्मा स्मारक, जिजामाता उद्यान या ठिकाणी सकाळी 10 ते दुपारी 2 वाजेपर्यंत घेण्यात येणार असून शहर व तालुक्यातील नागरिकांनी व युवकांनी रक्तदान करण्यासाठी यावे अशी विनंती युवासेना शहरप्रमुख श्रीनिवास उपळकर यांनी प्रसिद्धी पत्रकाच्या माध्यमातून केली आहे.

रक्तदान हे महादान आहे. गरजू व्यक्तींसाठी जीवनदान ठरणारे रक्तदान करणे ही मानवतेच्या हिताचे कार्य करण्याची मानवाला मिळालेली एक अमूल्य संधी आहे. सध्या रक्तदान हे काळाची गरज बनले आहे. कारण बदलत्या जीवनशैलीमुळे समाजात विविध आजारांचे वाढणारे प्रमाण, वारंवार होणारे अपघात, शस्त्रक्रियांचे वाढते प्रमाण, यामुळे रक्ताला मागणी खूप आहे. त्यामुळे पंढरपूर शहरातील नागरिकांनी व युवकांनी रक्तदान करण्यासाठी यावे असे आव्हान युवासेना शहरप्रमुख श्रीनिवास उपळकर यांनी केले आहे.