शिष्यवृत्तीचे अर्ज करण्यास मुदतवाढ

दैनिक स्थैर्य । दि. ०३ जून २०२२ । सातारा । जिल्हयातील काही महाविदयालयात उशीरा प्रवेश होणे, उशीरा निकाल लागणे इ. कारणांमुळे बऱ्याच विदयार्थ्यांना शिष्यवृत्तीचे ऑनलाईन अर्ज सादर करता आले नाहीत. विदयार्थी शिष्यवृत्ती पासून वंचित राहू नये म्हणून अद्याप शिष्यवृत्तीचे अर्ज न भरलेल्या विदयार्थ्यांसाठी शासनाने मुदत वाढ दिलेली आहे. अनु जाती विजाभज, इमाव व विमाप्र प्रवर्गासाठी 15 जून 2022 पर्यंत मुदतवाढ देण्यात आलेली आहे. तरी सातारा जिल्हयातील पात्र विदयार्थ्यांनी सन 2021-22 शिष्यवृत्तीचे अर्ज विहित मुदतीत ऑनलाईन महाविदयालयांकडे सादर करावेत तसेच अर्ज संबधीत महाविदयालंयानी समाजकल्याण विभागाकडे पडताळणी करून सादर करावेत. महाविदयालयांनी अर्ज भरण्याची सुविधा महाविदयालयातच उपलब्ध करून दयावी. तसेच जिल्हयातील सर्व महाविदयालयांनी अर्ज भरण्याबाबत जनजागृती करावी. महाविदयालय स्तरावरील सर्व पात्र अर्ज या कार्यालयाकडे वर्ग करावेत,असे आवाहन  समाज कल्याण सहायक आयुक्त  नितिन उबाळे  यांनी केले आहे.