ब्लूम इंग्लिश मीडियम स्कूल अँड ज्युनिअर कॉलेज येथे नवागतांचे गुलाब पुष्प देऊन स्वागत
दैनिक स्थैर्य । दि. ०७ जून २०२२ । फलटण । गुणवरे ता. फलटण जि. सातारा येथील ब्लूम इंग्लिश मीडियम स्कूल अँड ज्युनिअर कॉलेज येथे नवीन शैक्षणिक वर्ष 2022-23 च्या शाळा प्रवेशोत्सव निमित्त नवागतांचे व सर्व विद्यार्थ्यांचे गुलाबपुष्प व खाऊ देऊन स्वागत करण्यात आले. याप्रसंगी संस्थेच्या सचिव सौ. साधनाताई गावडे, अध्यक्ष श्री ईश्वर गावडे, अकलूज उपविभागाचे वाहन निरीक्षक श्री संभाजीराव गावडे, पालक व पंचक्रोशीतील ग्रामस्थ उपस्थित होते. शाळा प्रवेशोत्सव निमित्त संस्थेच्या सचिव सौ साधनाताई गावडे व आरटीओ इन्स्पेक्टर श्री संभाजी गावडे यांनी सर्व विद्यार्थ्यांचे स्वागत केले व नवीन शैक्षणिक वर्षाच्या सर्वांना शुभेच्छा दिल्या. याप्रसंगी शाळेचे प्राचार्य श्री गिरिधर गावडे यांनी शाळेत उपलब्ध असलेल्या सोई व भौतिक सुविधा यांची माहिती दिली व सर्व पालकांना त्यांच्या पाल्यांची शाळेद्वारे निश्चितच सर्वांगिन विकास होईल असे आश्वासन दिले. शाळेने लीड स्कूल सोबत भागीदारी केल्याने विद्यार्थ्यांचा इंग्रजी अध्ययनाचा स्तर निश्चितच सुधारेल व विद्यार्थी शैक्षणिक प्रगती करतील अशी ग्वाही दिली. पालकांनी आपल्या परिचयाच्या पालकांना, मित्रांना त्यांच्या पाल्याच्या उज्वल भविष्यासाठी शासन मान्यताप्राप्त असलेल्या ब्लूम इंग्लिश मीडियम स्कूल मध्ये ॲडमिशन घ्यावे असे आवाहन केले. कार्यक्रम यशस्वी होण्यासाठी शाळेतील सर्व शिक्षकांनी मेहनत घेतली. श्री रमेश सस्ते सर यांनी सर्वांचे आभार मानून कार्यक्रमाची सांगता केली.
